Сөзі: Біләл Қуаныш Әні: Ұшқын Жамалбек

Түркінің бәйтерек, шынары, Жер ана тербеліп құлады… Мың ана баласын іздесе, Мың бала “анам деп” жылады… Сабыр ет, туысым, бауырым, Бұл деген Алланың сынағы… Бөлінбес ешқашан арасы, Біртуған ертүрік баласы. Жаратқан жіберген сынақтан, Жаңғырсын Тұранның даласы! Бір бауыр қиындық көргенде, Мың бауыр болады панасы! Алыстау болсада іргеміз, Біздегі жан да егіз, тіл де егіз. Қайғыда бәріміз бір жылап, Қуанышта бірлікте күлгенбіз. Сен жалғыз емессің жақыным, Әрқашан Сіздермен біргеміз. Қайыспай қайратың, жігерің! Қайғыңнан тұр бауыр, тұр елім. Түркіден тараған түгел жұрт, Береке болсыншы тірегің! Көкбөрі намысың қамшылап, Соқсыншы бахадүр жүрегің!