Қазақстан әншілері

Әншілер

Барлық Ер әншілер Әйел әншілер Топтар Дует

Қайрат Нұртас (25 ақпан 1989 жыл Оңтүстік Қазақстан облысы Түркістан қаласында дүниеге келген) — Қазақстанның эстрадалық әншісі. Бүгінгі таңдағы қазақ тілінде ән айтатын әншілердің ішіндегі ең танымалы. Тыңдармандар мен әріптестерінің арасында көптеген табынушылары бар.

Мейрамбек Бесбаев

Мейрамбек Әбіләшімұлы Бесбаев (8 қараша 1976 жылы, Жамбыл облысы, Талас ауданында туған) — қазақстандық әнші, термеші, МузАРТ тобының мүшесі. Қазақстанның еңбек сіңірген қайраткері, "Дарын" мемлекеттік жастар сыйлығының лауреаты.

Төреғали Төреәлі

Төреғали Төреәліұлы Әлиханов (1992 жылы, 14 қазанда Қызылорда облысы, Байқоңыр) — Қазақ эстрадасындағы әнші. Алматы қаласындағы Т. Жүргенов атындағы Өнер академиясының колледжін актер мамандығы бойынша тәмамдаған (2009—2011). Бірнеше студенттер айтысының жеңімпазы, Республикалық айтыстардың жүлдегері.

Ернар Айдар

Ернар Айдар 1991 жылы наурыздың 13-жұлдызында дүниеге келді.Қазіргі таңда Ернар бірнеше музыкалық альбомдар, мынға жуық жеке концерттер мен 7 бейнебаяндар шығарды. Сахнадағы үш жылдың ішінде Ернар Айдар Қазақстанның бүкіл қалалары мен ауылдарын өз өнерімен таныстырап шыққан.Өнердегі кумирі Мейрамбек Беспаев болып табылады. Әнші оның шығармашылығын құрметтеп, үлгі етеді.

Секен Тұрысбеков

Секен Кәрімұлы Тұрысбеков (1961 жылы 22 наурызда Шығыс Қазақстан облысы Үржар ауданында туған) — қазақ композиторы, күйші, домбырашы. Қазақстанның еңбек сіңірген әртісі (1992). Қазақстан Ленин комсомолы сыйлығының лауреаты (1989). Парасат және Құрмет ордендерінің иегері.[1] Көңіл толқыны күйінің авторы.

Қажымұрат Шешенқұлұлы

«Мақпалжан», «Бүлдірген қыз», «Сені ғана» әндерінің орындаушысы Қажымұрат Шешенқұлұлы - Қытай Халық Республикасы, Алтай аймағы қаба ауданының тумасы. Ол бүгінде өзiнiң әншілік, сазгерлік дарынымен Қытайдағы қандастарымыздың жүрегіне жол тауып, өнерсүйер қауымның ыстық ықыласына бөленген. Қажымұраттың шығарған әндері әншi Тоқтар Серіковтің және «Аршын», «Алаш» топтарының орындауында Қазақстанда да кең таралуда.

Нұрлан Өнербаев

Нұрлан Әлтайұлы Өнербаев (1961 жылы 4 қарашада Оңтүстік Қазақстан облысы, Төле би ауданындағы Қазақстан ауылында туған) — әнші, актер, мемлекет және қоғам қайраткері. Қазақстанның еңбек сіңірген әртісі (1995). Қазақстанның еңбек сіңірген қайраткері (2008). Дарын мемлекеттік сыйлығының иегері (1995).

Жұбаныш Жексенұлы

Рамазан Стамғазиев

Рамазан Өмірәліұлы Стамғазиев (1967 жылы 3 мамырда Алматы облысы, Райымбек ауданы, Көкпияз ауылында туған) — қазақтың халық әндері мен дәстүрлі әндерін кеңінен насихаттап жүрген әнші. Қазақстанның еңбек сіңірген әртісі (1998). "Құрмет" орденінің иегері.

Буленов Заттыбек Көпбосынұлы 1974 жылы Оңтүстік Қазақстан облысы, Бәйдібек ауданы Кеңес ауылында қарапайым отбасында дүниеге келген. Шығармашылық жолын 1995 жылы Бәйдібек ауданы «Шалдар» балалар саз мектебінде мұғалімдік қызметпен бастаған. 1997-1998 ж.ж. Шалдар мәдениет уйінде көркемдік жетекші.

Тоқтар Серіков 1975 жылы Шығыс Қазақстан облысы Шұбартау ауданында дүниеге келген[1]. 1999 жылы Қазақ ұлттық консерваториясын бітірген. Мемлекеттік «Дарын» жастар сыйлығының иегері.