Әбілдина Қарақат - қазақ дәстүрлі әнін насихаттаушы, халық және эстрада әндерін орындаушы. Нартай Бекежанов мұрасын насихаттаушы және орындаушы.Қазақстанның еңбек сіңірген қайраткері.1978 жылы Қарағанды облысы Жаңаарқа ауданы Байғұл ауылында туған. Қазақ.Құрманғазы атындағы Алматы мемлекеттік консерваториясының «Домбырамен халықтық ән айту» классын педагог, «Дарын» Мемлекеттік сыйлығының лауреаты Сәуле Жанпейісовада; орындау шеберлігі бойынша аспирантураны (2004) педагог, профессор, Қазақстанның Халық әртісі Қайрат Байбосыновта бітірген.
Бота Бейсенова
Байырбекова Жазира Сайлауқызы - қазақ эстрадасының танымал әншісі.1978 жылы 30- қыркүйекте Оңтүстік Қазақстан облысының Бөген ауданына қарасты Пақташы елді-мекенінде дүниеге келген. Жазира бастауыш сыныптағы кезінен бастап домбыра шертіп, ән айтып, көзге түскен. Мектептің домбыра оркестрінде ойнап, аудан, облыс көлеміндегі байқауларға қатыса бастады.
Тамара Жанқұл Асар (16 шілде 1976 жылы туған, Маңғыстау облысы Ақшұқыр ауылында туған) - қазақстандық эстрада әншісі. Өмірде де, өнерде де өжеттілігімен көзге түскен дарынды дарабоз әнші. ҚРның «Құрмет ордені»нің иегері. Қазақстан жастар одағының «Серпер» жастар сыйлығының лауреаты.
Жанар Айжанова 1968 жылы Ақтөбе облысы Шалқар ауданы Тұмалыкөл ауылында туған[1]. 1995 жылы қазіргі Абай атындағы Қазақ ұлттық педагогикалық университетінің музыка факультетін бітірген. 1985-86 жылдары Ақтөбе облысы Шалқар аудандық мәдениет үйінде автоклуб меңгерушісі болды. 1991-2000 жылдар аралығында Сүйінбай атындағы Алматы облыстық филармониясында, «Адырна» фольклорлық-этнографиялық ансамбльінде еңбек етті. Қазір «Гүлдер» ансамбльінің әншісі.
Зируза Тасмағанбетова (Ziruza) – сахнаға тұңғыш шығуы 2017 жылдың мамыр айында болған q-pop жанрындағы жас орындаушы. Жаңа музыкалық бағыттың өкілі Қостанай қаласының тумасы болып табылады. 1997 жылдың 10 қаңтар күні дүние есігін ашты. Дебюты жақында ғана болса да, өзінің «Loyals» атты жанкүйерлер армиясы бар. Зируза Астана қаласындағы Қазақ Ұлттық Өнер университетінің ішекті аспаптар кафедрасында тәлім алған, алайда уақыт өте келе оңтүстік астанаға қоныс аударып, қазіргі таңда қобыз классы бойынша П.И.Чайковский атындағы музыкалық колледж студенті.
Роза Әлқожа
Айгүл Нариманқызы Үлкенбаева (23.1.1962 жылы туған, Атырау облысы Исатай ауданы Чапаев аулы) — күйші-домбырашы, Қазақстанның еңбек сіңірген артисі (1998).
Ерке Есмахан
Айгерім Қалаубаева
Оразымбетова Гүлнұр Манатқызы (8.05.1977 жылы туған, Қызылорда облысы, Арал ауданы, Қаратерең ауылы) - әнші. Қызылорда мемлекеттік университетін бітірген (2003). 2000 жылы "Жас қанат" әншілер байқауының 1-ші жүлдесін, сол жылы "Азия дауысы" халықаралық байқауындағы "Қазақстанның жаңа әндері" байқауының 3 жүлдесін, 2001 жылы Болгарияда өткен 10-шы халықаралық музузыкалық фестивалінің 3 жүлдесін иеленді. Оның репертуарында Р.Таймановтың "Қоркыт-қобыз", Б.Оралұлының "Толғау", С.Жолбарыстың "Сағынышы" мен "Ойлаймын сені", С.Сыздыковтың "Қоштасу", т.б. қазақ халық және қазіргі композиторлардың әндері бар.
Алтынай Жорабаева
Роза Тәжібайқызы Бағланова (1 қаңтар 1922, Қазалы, Түркістан КФР, КСРО — 8 ақпан 2011, Алматы, Қазақстан) – әнші, Қазақстанның (1955) және бұрынғы КСРО халық әртісі (1967), Халық қаһарманы (1996).
Гауһар Әлімбекова
Бибігүл Ахметқызы Төлегенова (16.12.1929 жылы туған, Семей қаласы) — қазақ әншісі (лирикалық-колоратуралық сопрано), КСРО халық әртісі (1967).
Динара Қырықбаева
Әлия Әбікен
Айгүл Қосанова (1974, Маңғыстау облысында туған) — домбырашы, әнші.Қазақстанның еңбек сіңірген қайраткері. "Дарын" мемлекеттік жастар сыйлығының иегері. Құрманғазы атындағы Қазақ Ұлттық консерваториясының педогог-доценті.
Мәдина Бақытжанқызы Сәдуақасова (1979 жылы 8 қыркүйекте Алматыда туған) — эстрада әншісі, тележүргізуші. Қазақстанның еңбек сіңірген қайраткері (2011). Қазақстан жастар одағы сыйлығының лауреаты.
Мөлдір Әуелбекова (10 тамыз 1986 жылы, Тараз қаласы, Қазақ КСР) — Қазақстанның танымал әншісі және актрисасы, тележүргізушісі. 2012 жылға дейін «КешYou» тобының құрамында болды[1]. «Ғашық жүрек немесе жұлдызды коктейль» атты кинодағы басты рөлдің бірін сомдаған.
