Нұржан Қабимолдаұлы Жанпейісов (19.4.1973 жылы туған, Алматы облысы Панфилов ауданы Сыптай ауылы) - әнші, домбырашы. Талдықорған педагогика университетін бітірген (1995). Ж.Елебеков атындағы әншілер байқауының лауреаты (1998), "Жаңа ғасырға жаңа ән" байқауының 3 жүлдесін (2000), "Шабыт" халықар. фестивалінің 2 жүлдесі (2000), Ә.Қашаубаев атындағы әншілер байқауының Бас жүлдесін иеленді (2002). Қазір "Қазақконцерт" бірлестігінде өнер көрсетеді. Париж қаласында өткен ұлттық дәстүрлі музыкалық фестиваліне қатысты (2004). Гастрольдік сапармен Қытайда (2002), Ресей қалаларында (2003) өнер көрсетті.