قۇل-كەرىم ەلەمەس - 1963 جىلى 5 قاراشادا قحر-داعى شىڭجاڭ ولكەسى، بۇراتالا موڭعۇل وبلىسى، جىڭ اۋدانىنا قاراستى ءقىزىلۇي دەگەن جەردە تۋعان. مەكتەپ بىتىرگەن سوڭ، ەكى جىل ۇستاز، 1986—1991 جىلدارى ىلە قازاق اۆتونوميالى وبلىسىنىڭ «ىلە» گازەتىندە ءبولىم رەداكتورى، 1991 — 1993 جىلدارى شىڭجاڭ حالىق راديوستانسياسىندا ادەبي قىزمەتكەر بولعان. 1994 جىلى اتامەكەنى قازاقستانعا قونىس اۋدارعان. رەسپۋبليكالىق «ەگەمەن قازاقستان»، «قازاق ەلى» گازەتتەرىندە ءتىلشى، «جالىن» باسپاسىندا اعا رەداكتور بولىپ جۇمىس ىستەگەن. ءقازىر رەسپۋبليكالىق «بالدىرعان» جۋرنالىندا ءبولىم رەداكتورى. «اق جالىن» اتتى تۇڭعىش جىر جيناعى 1988 جىلى شىڭجاڭدا، «جۇلدىزدى ءتۇن» كىتابى الماتىداعى «ءقۇسجولى» باسپاسىنان، «جەتىنشى اسپان» جىر كىتابى استاناداعى «ەلوردا» باسپاسىنان جارىق كوردى. سونداي-اق د.ماسىمحانۇلىمەن بىرگە وتەيبويداق تىلەۋقابىل ۇلىنىڭ «شيپاگەرلىك بايان» اتتى كىتابىن اۋدارعان.