كۇي — مۋزىكالىق جانر، قازاق حالقىنىڭ اسپاپتىق پەساسى. دومبىرا، قوبىز، سىبىزعىدا شىعارىلىپ، تارتىلىپ كەلگەن. مۋزىكا ونەرىنىڭ دامۋىنا بايلانىستى، كۇيلەر حالىق اسپاپتارى وركەسترلەرىنىڭ رەپەرتۋارلارىندا كوپ ورىندالادى. كۇي — قازاق، قىرعىز، وزبەك حالىقتارىنىڭ اسپاپتىق مۋزىكاسىنا ءتان اتاۋ. م. قاشقاريعا سىلتەمە جاساي وتىرىپ، كۇي ءسوزىنىڭ توركىنى "كوك" دەگەن تۇركى سوزىنەن شىعۋى مۇمكىن دەگەن بولجامدار بار.
